全世界最賤格的女人.......是我............

這個blog將會closed了, 多謝大家關心.

今日lunch time去左做Gym, 覺得好refreshed. 我呢幾日仍然很混亂. 做決定的是我, 日日喊的又是我. 外人睇一定會頂我唔順. 自己friend就知道其實我好心軟. 天主一直都對我好好, 我四周全部都係好人, 個個都好錫我. 的確我係好唔捨得, 因為我跟他真係好夾, 鍾意的野一樣, 諗的野一樣, 好多時大家都好似心靈相通. 呢d機會唔係個個都遇到. 每次我諗起呢d片段, 眼淚又落下來了.  

可惜的是, 我地開始得唔好. 當時的我不夠愛他. 所以之後無論花幾多努力, I was easily distracted. 愛情不應該是這樣. 我不想再自私的霸住佢. I can feel that his next one 會好幸福. 希望她不是一個o靚妹.因為他的好不是旁人見到他錫晒你那種好. 而係你在他身邊可以感受到他將整個人完全無私的付出在這段感情裡. (所以佢唔會盲目的遷就你, 佢會為了呢段感情的健康去鬧你).

是時候各自為將來打算. 五年裡已經第三次遇到同一個問題了. 我今次識得handle. 我只係想一心一意鍾意一個人, 可以嗎?

愛情好奇怪, 我越來越不了解.

其他人好似好simple, 應付自如. 好像只是我永遠將佢複雜化. 又或者係正如人地話, 我鍾意兜圈. 樣樣野都要試. 我唔係鍾意玩的人. 每次我都奉獻我的全部. 所以that is one of the reasons why 我永遠d financial planning 差到咁. 當我沉溺在愛情裡, 我眼裡只有他. 做咩都為左佢一個. 所以如果對方都沉醉在裡頭, 我一個突然抽身, 就會殺他措手不及.

我唔係十八廿二了, 再沒有這樣的青春. 所以我對愛情很有保留, 不會再跟以前一樣了.

我明白係好難受, 我完全可以代入去明白箇中感受. 但係日子仍然要這樣過, 我知道你已經好厲害. 對你來說咁突如其來的一擊. 完全沒有還擊之力, 唯有默默承受. 希望你經一事長一智. 不要當成失去, 其實大家都曾經得到很多. 每一個經歷都係一個令自己成長的機會, 所以我沒有後悔曾經所作的決定. 雖然可能係選擇錯, 可能可以更好. 但係呢個選擇一定令你得到一d野.

有好多野我唔識得處理, 可能令其他人受到傷害. 但係我知道自己進步了. 希望你都可以.

我是一個個體. 我很久未試過一個人面對問題了. 我想做返10年前被公認獨立的大家姐.

決定了就不再返轉頭. 我都講過, 我唔係第一次受人唾罵. 我唔知將來會點, 但係我從來都冇真正覺得自己的選擇是錯的. 因為我相信每一次都係一個經歷, 每一次的感情都是真的. 大家都覺得我好自私, 我愛自己多d. 不過在我的世界入面, 我不喜歡呃呃騙騙. 我好清楚自己的感覺. 有d野係永遠解決唔到就解決唔到. 我不知其他人點睇我. 我只係希望將傷害減到最少. 無論有幾多人討厭我, 日子仍是這樣過, 牌仍是會打, 我不會放棄.

對不起...